Տիգրան Սարգսյան
ՀՀ վարչապետ

,

Հասմիկ Պողոսյան
ՀՀ մշակույթի նախարար

Հայոց օրհներգի, զինանշանի և դրոշի խորհուրդը թրծվել է ազգային վերազարթոնքի, Արցախյան ազատամարտի և պետականության կայացման բովում, ուստի պետական խորհրդանշանների համակողմանի ներկայացումը նշանակում է հանրության շրջանում ամրապնդել նշյալ իրադարձությունների գիտակցումը:

Ջերմորեն ողջունում եմ պետական խորհրդանշաններին նվիրված կայքի ստեղծումը և վստահություն հայտնում, որ այն մեծապես կնպաստի մեր ինքնության կարևորագույն բաղկացուցիչների համակողմանի գիտակցմանը:

.

.
Պավել Սարգսյան
«Մենք» ազգային արժեքների պահպանման հիմնադրամի հիմնադիր և գլխավոր տնօրեն

Մեր նպատակներից մեկն էլ հանրությանը ՀՀ պետական խորհրդանշանների ամենամյա տոն սահմանելու և հունիսի 15-ին` «ՀՀ դրոշի մասին», «ՀՀ զինանշանի մասին» 2006թ օրենքի ընդունման օրը, այդ տոնական միջոցառումն անցկացնելու վերաբերյալ մեր նախաձեռնություն-ծրագրին ծանոթացնելն ու նախապատրաստելն է: Մեր դռները բաց են բոլորի համար, ովքեր պատրաստակամ են իրենց ներկայությունն ու մասնակցությունն ապահովել հունիսի 15-ի տոնակատարությանը:

Այսօրինակ նախաձեռնություններն ու միջոցառումները մեզ ավելի համախմբված ու միասնական են դարձնում: Վստահ եմ` սրանք արժեքներ են, որոնք ոչ մի հայի անտարբեր չեն թողնի:

.

.

ՀՀ պետական խորհրդանշանների օրվա տոնական քայլերթի ծրագիրը

Միջոցառման անվանումը` ՀՀ պետական խորհրդանշանների օր

Միջոցառման անցկացման օրը` 15 հունիսի 2013թ.

Հիմնավորումը` 2006-ի հունիսի 15-ին ընդունվել է «ՀՀ դրոշի մասին» և «ՀՀ զինանշանի մասին» գործող օրենքները

Միջոցառման անցկացման վայրը` ք. Երևան, ՀՀ մարզեր և Արցախ

Նախաձեռնելով Հայաստանի Հանրապետության պետական խորհրդանշանների  տոնի հանդիսավոր և համաժողովրդական արարողակարգի կազմակերպումը` մենք նպատակ ունենք հայ ժողովրդին և միջազգային հանրությանը նորովի ներկայացնել մեր պետական խորհրդանշանները, ակնածանք և խորը հարգանք ձևավորել հայկական պետականության կարևորագույն խորհրդանշանների նկատմամբ: ՀՀ պետական խորհրդանշանների  տոնի կազմակերպման հիմնական սկզբունքը ժողովրդականության ապահովումն է: Տոնին պետք է մասնակցեն սոցիալական բոլոր խմբերի ներկայացուցիչները: Հունիսի 15-ը պիտի համընդհանուր տոնախմբություն դառնա` համախմբելով երիտասարդությանը, հոգևորականությանը, մշակույթի, սպորտի, գիտության և մյուս ոլորտների ներկայացուցիչներին, քաղաքական գործիչներին:

Տոնին մասնակցելու են հիմնականում դպրոցականները, ուսանողները, առհասարակ երիտասարդները, ովքեր էլ հենց ներկայացնում են նպատակային խումբը:

Կայքը թարմացվել է` 15.01.2013թ.