«Հայաստանի հանրապետության պետական դրոշի մասին» օրենքն ընդունվել է Գերագույն Խորհրդի կողմից` 1990թ օգոստոսի 24-ին: 2005թ նոյեմբերի 27-ին անցկացված ՀՀ Սահմանադրության բարեփոխումներից հետո, 2006թ հունիսի 15-ին, ընդունվեց «ՀՀ դրոշի մասին» նոր օրենքը: Հայաստանի հանրապետության դրոշը ՀՀ պետական խորհրդանիշներից է: Հայաստանի հանրապետության դրոշը եռագույն է` վերևից ներքև ձգվող կարմիր, կապույտ, նարնջագույն հորիզոնական հավասար շերտերով: Կարմիր գույնը խորհրդանշում է Հայկական բարձրավանդակը, հայ ժողովրդի մշտական պայքարը հարատևման, քրիստոնեական հավատքի, Հայաստանի անկախության և ազատության համար: Կապույտ գույնը խորհրդանշում է հայ ժողովրդի` խաղաղ երկնքի տակ ապրելու կամքը: Նարնջագույնը խորհրդանշում է հայ ժողովրդի արարչական տաղանդը և աշխատասիրությունը: Դրոշի լայնության և երկարության չափերի հարաբերությունն է 1:2-ի: Հայաստանի հանրապետության դրոշի լայնության և երկարության հարաբերակցության սույն չափերի պահպանմամբ կարող է օգտագործվել նաև փոքր կամ մեծ չափի դրոշը:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ
Ընդունված է 2006 թվականի հունիսի 15-ին ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴՐՈՇԻ ՄԱՍԻՆ
Հոդված 1. Սույն օրենքի կարգավորման առարկան Սույն օրենքը կարգավորում է Հայաստանի Հանրապետության դրոշի նկարագրությունը և գործածման կարգը:
Հոդված 2. Հայաստանի Հանրապետության դրոշը Հայաստանի Հանրապետության դրոշը Հայաստանի Հանրապետության պետական խորհրդանիշներից է: Հայաստանի Հանրապետության դրոշը եռագույն է` վերևից ներքև կարմիր, կապույտ, նարնջագույն հորիզոնական հավասար շերտերով: Կարմիր գույնը խորհրդանշում է Հայկական բարձրավանդակը, հայ ժողովրդի մշտական պայքարը հարատևման, քրիստոնեական հավատքի, Հայաստանի անկախության և ազատության համար: Կապույտ գույնը խորհրդանշում է հայ ժողովրդի ապրելու կամքը խաղաղ երկնքի ներքո: Նարնջագույնը խորհրդանշում է հայ ժողովրդի արարչական տաղանդը և աշխատասիրությունը: Դրոշի լայնության և երկարության չափերի հարաբերությունն է` 1:2-ի: Սույն մասով նախատեսված` Հայաստանի Հանրապետության դրոշի լայնության և երկարության հարաբերության չափերի պահպանմամբ կարող է օգտագործվել նաև փոքր կամ մեծ չափի դրոշ:Ավելին…
. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԴՐՈՇ
Ստորև ներկայացված է ՀՀ պետական դրոշի երկու տարբերակ` բեռնելու հնարավորությամբ:
Գործածման առաջին տարբերակ (գունավոր (RGB) տարբերակ` կիրառվող էլ. կայքերում, հեռուստաեթերում)
| R | G | B | |
| Կարմիր | 217 | 0 | 18 |
| Կապույտ | 0 | 51 | 160 |
| Նարնջագույն | 242 | 168 | 0 |
Գործածման երկրորդ տարբերակ (գունավոր (CMYK) տարբերակ` կիրառվող տպագրությունում):
| C | M | Y | K | |
| Կարմիր | 0 | 100 | 100 | 0 |
| Կապույտ | 100 | 80 | 0 | 0 |
| Նարնջագույն | 0 | 35 | 100 |
Գործածման գույների (PANTONE) տարբերակ` կիրառվող տպագրությունում:
| Կարմիր | PANTONE 485 |
| Կապույտ | PANTONE 286 |
| Նարնջագույն | PANTONE 1235 |
Գործածման գույների (html) տարբերակ` կիրառվող էլ. կայքերում:
| Կարմիր | D90012 |
| Կապույտ | 0033A0 |
| Նարնջագույն | F2A800 |
ՀԱՅԱՍՏԱՆԻ ԱԶԳԱՅԻՆ ՍՏԱՆԴԱՐՏ
Հայաստանի Հանրապետության պետական դրոշ
Ընդհանուր տեխնիկական պայմաններ:
